第三場「統治者」去年六、七月在澳洲兩試九百米閘，首試後上第六，再試捉實湧上第三，兩次俱紋風未動，來港後一再試谷閘都有好走勢，昔日同主「傑飛」一出即勝，提防照辦煮碗。「永旺喜喜」上次用沈拿跑梗頸四，今次即強配雷神操刀，騎者賽前一手操好，今次必打硬仗。
第四場「快利寶」上季拍賣會馬，今季多跑已減十四分，愛爾蘭馬漸成熟表現越來越近，上兩次後追一次比一次好，確定進步可繼續睇好。「金津輝煌」落五班一再接近，上次大勝加十分重返四班，評磅員相當重視，質新馬好開就好仍要兼顧。
第五場「豐彩皇」曾於法國二千二百米得第二，季初兩勝後右前蹄不良於行，二、三月間只游水踱步，自此三度試閘走勢頗佳，休戰半年復出體能佔先。「威信」也是初跑此程，早前三勝一哩，上仗初升二班遇慢步速才落敗，日前試閘走勢輕鬆，有力再爭。
第六場「星運判官」五歲才納入正軌，上場慢步速之下後上第二水準已不弱，肯定目前三班一定企得住，今次再由合拍潘頓操刀可再攀高峰。「多項領先」來港兩戰無功即轉倉，上場加盟東廄已有試準之勢，英國曾贏千六及千七米，今次渡江加程已蠢蠢欲動。
第七場上屆冠軍「順勢寶」今回力爭衛冕，這匹自購馬過去兩年內三捷，路程都是今次谷中千二，季初三戰未能承接，但十一月兩戰實際所負不多，本月中復出直路賽可視作熱身，返首本程隨時變身。「激賞」三月中曾在田草跑入第四，上仗直路賽與「一哥」及「大武士」力拚才僅失三甲，贏谷閘後渡江提防郁手。
第八場「紅星」季初三勝有越贏越易之勢，升穿八十分稍為放緩，最近降三班排位欠佳，但跑來依然有勁，季中耗用不多，執到六檔不難重振聲威。「開心歡星」已不只一次同程有好走勢，今季尾較好一批已加分或升班去，賽事水準下降有利破僵局。