上周三首次渡江跑谷戰嘅黃俊，賽前有導師高雅志專登踩草地教路，但成績令人失望，不過師父未有怪責，剛周日依然委以重任，替「再石磨藍」完成季內第三W，尚有初出嘅「多多醒」，最後雖未能贏出，但依然可入位置，總算無令幕後人失望。事實上「多多醒」是倉主力薦由黃俊策騎，因為上次夜賽同主嘅「多多勁驥」由黃俊策騎，因起步未能順利彈出，結果要從後殺上，最後取得一席第四名，假如出閘順利，相信頭馬早已手到拿來。這場「多多勁驥」未能交出水準，是隻馬起步時將一對前腳提起，所以幕後並無怪黃俊，同主去周日列陣嘅「多多醒」，依然由佢上陣搏殺。由於黃俊上次谷戰成績麻麻，倉主暫時未放心一下子將所有實力馬交晒俾佢上陣，好似「多多勁驥」咁，今次就換田泰安跑，其他場合「豐彩皇」及「金津輝煌」都用上史卓豐，唯獨一隻「鋒芒畢露」依然用番黃俊披甲，因為一班幕後人仍對這小子信心十足，並唔介意再將呢隻「鋒芒畢露」交俾佢上陣爭連捷。呢隻「鋒芒畢露」以往較有路程成績根據屬谷草一哩，上次跑田草千六米，只係第一次嘗試，咁當然因為睇準黃俊有十磅之利，結果俾幕後牛刀小試下一放到底贏馬，更難得是「鋒芒畢露」用黃俊可以贏第二名「佳知武仕」達四個身位咁遠，後者質居三班亦非善男信女之輩，照計數「鋒芒畢露」今次跑番最拿手嘅谷草一哩，用番黃俊又可一放到底，重溫上次贏馬美夢。