■Chilam和杏兒昨日分別憶述當年真實的求婚過程。香港文匯報訊（記者 李思穎）張智霖（Chilam）和胡杏兒昨日為電影《死亡通知單暗黑者：首部曲 雙雄會》拍攝求婚場面，兩人受訪時憶述當年真實的求婚過程。Chilam認為男兒膝下有黃金，向太太袁詠儀求婚時沒有下跪；杏兒就後悔老公跪地求婚時，太快叫他起身，畢竟一生人可能只跪一次，在旁的Chilam即插嘴說：「唔瀨嘢就得」，令全場大笑！Chilam又搞笑指他求婚時還送多對耳環，但現在便覺得笨，因到現在都未見太太戴過。
張智霖和胡杏兒合照時重演求婚過程，但Chilam不肯下跪，就連戒指套在哪隻手都顯得矇查查，雖然只是拍戲，但見杏兒手上的鑽戒耀眼奪目，Chilam得戚笑說：「我好有誠意，鑽戒是堅嘢，有2卡幾好大粒，（老闆蕭定一借出私伙？）廣告植入，贊助商提供，可能拍完會送給杏兒。」杏兒和應說：「我都想呀。」
問到Chilam為何不下跪求婚？他笑謂：「跪不跪非重點，最重要是夠大粒，我見到時都嚇一嚇，點會咁勁㗎。」Chilam大談當年向袁詠儀（靚靚）求婚過程：「當時在新加坡，我懶係勁，在酒店房我同靚靚講有禮物送給她，她以為是戒指，知道是耳環一刻帶點失望，我話『仲有嘅』，現在便覺得笨，點解買多對耳環？直至今日都未見她戴過，（有否下跪求婚？）無呀，男兒膝下有黃金，但已醒多對耳環給她，（因靚靚即刻答應才不用下跪？）我哋係兩情相悅，沒太多繁文縟節。」
不讓老公跪耐些 杏兒後悔
而杏兒透露：「求婚時，老公梗係有跪，但唔係跪好耐，我自然反應叫佢起返身，跪得幾秒，好後悔應該叫佢跪耐些，讓我好好記住這一刻，可能一世人只跪一次。」Chilam鬼馬笑說：「下次跪應該瀨咗嘢，希望係一世人跪一次，所以我男兒膝下有黃金，永遠唔會跪，唔瀨嘢就得。」
有傳「胡說八道會」的好姐妹黃智雯今年結婚，現正揀選日子，問到杏兒會否贊助婚紗和幫手揀日子，杏兒守口如瓶：「要問返佢。」Chilam整蠱杏兒笑說：「有無搞錯？少少都不講來聽。」杏兒忍不住笑謂：「總之愈早愈好，都要度期。」Chilam繼續搞鬼：「有玄機，即係定了幾時？」杏兒也沒理他，笑言要保持神秘感。