第六場「龍城勁將」三歲仔季中小休後成熟躍進，於四班千六米兩度上名，早前力逼「南莊加寶」得第二，上次跟前不再像之前被動卻被「韻妙星」及「及時行樂」後上殺退，變得均速下扳上千八米是合理做法，可期打開勝門。「千金一諾」健康回穩後兩勝，看升勢有餘未盡是前駒大敵，重返田草有力介入一戰。
第七場「貨如輪轉」沒過人之質勝在忠心，之前連番上名，重返三班跑到一絕都贏唔到，今重新落班誓爭出頭。「威勢之寶」今季入羅廐每戰例有一段勁勢，上次誤於路長，重返首本程可重振雄風。
第八場「巡航導彈」於南澳服役四戰兩勝，三月初開操循序漸進，最近兩試泥草閘都造好時間勝出，前胸比來港前更壯，看來有點質素且持續進步，初出起用李寶利可先下手為強。「和諧小子」上場突如其來得第二，季尾狀態復甦待命，今次更強配潘頓，應有決心補中兼捧盃。
第九場「合拍威龍」與「時時精綵」在愛爾蘭時為廄侶，兩戰千四米先於黏地僅敗，一度衝刺強勁後保持同速，兩個月後加頭罩輕勝，來港多時已適應水土，初出要防。「天池怪俠」來港前兩仗漸入佳境，到港後開操三個月，第二度試閘已有點走勢，可望有進步，初出憑新鮮感跑千二米唔短，有分頭值得一敲 。
第十場「美麗日子」上次起步慢閘失晒先機，如不故態復萌跑番水準的話，應是爭霸要角，愛爾蘭四歲馬前仗稍好，只受制大一歲且少負十幾磅的「陽明秋秋」，該駒再出也兩度獲亞，「美麗日子」分量可見一斑。「友誼之星」三班尚於早前入位，目前在四班處境有利，若屆時交出水準總可勝回一仗。
第十一場「芙蓉莊」初出千二閃閃身追近顯示有質，開氣後上場加程千四米得第三，末段加速後勁凌厲，質新馬汲取實戰經驗再來有力補中食尾胡。「加州再豫」近兩場跑第二名未竟全功，今次就勝在強敵唔多，若交番上次水準居此已夠贏。