第六場、第三班、一六五○米。「放眼量」上季九戰全敗無一入位，但就因此勁減廿三分，今季四十九分起步，經一季適應水土兼且減分多，對手大為減弱下便成功反彈，季初兩場熱身後，隨即在田草千四米打開勝門，可惜之後在田草屢拚未逞，因此轉往谷中一試，結果證明何良部署奏效，在谷中一哩配潘頓重響勝鼓，路程專家「紫電明珠」更完全未能埋身；之後再戰順利添食，蹄下敗將同樣有路程專家「勇冠王」；前仗同程以頭位敗於「靚紫荊」，但成功拋開季軍「小米周」；今次捲土重來是一心衝擊季內第4W。
第七場、第二班、一二○○米。「朝五晚九」來港前在英國葉森贏過一場表列賽，亞軍為「帆哥兒」；之後進軍澤西錦標大敗，臨來港前於金頓膠沙贏馬，騎足一條直路險勝，隨即放盤，以三十九萬堅尼成交。「朝五晚九」父系「盡善盡美」乃澳洲冠軍種馬，母系Gentle On My Mind源自歐洲種王Sadler's Wells，當年屬古摩亞名下，曾贏二千四百米處女馬賽。睇試閘、血統，「朝五晚九」嚴格而言非速度型快馬，但上次初出泥地千二即得第三，反映質素高，今次轉來谷草，補中機高。