今日谷草採用B跑道舉行，今季谷草曾經九次用B欄，睇番五月十六日同一條移欄草地賽事，場地讀數為2.69，當晚曾在第四場之後進行壓地，有六場頭馬時間快過標準時間。現重溫當日各場頭馬跑法，一場一千米，「皇仁先鋒」一放絕塵；三場千二米，「自由旺」搶出帶到，「好友益」及「醉多福」守第五、六位入直路建功；三場一哩，「悅目星光」守第六位入直路破班際時間勝出、「勁嘉輝」後上爆半冷、「平天下」跟前第二位奠勝；一場千八米，「勝利仔」落山前發力，守第四位入直路得手。練馬師方面，上次谷草B欄，徐雨石四捷兼捧盃大豐收，另外最近三次谷草B欄姚本輝都有馬贏。騎師方面，潘頓最近三次谷草B欄都有馬贏，而且每次都係頭場贏馬。今次推介沈廄「醉多福」，上場易廄初出即在谷草千二米B欄大熱開齋，復課試閘操練無間，揀同班同程同欄再上陣，決心添食。