■顏卓靈將Fan Club命名為「車厘子軍團」。香港文匯報訊 顏卓靈（Cherry）早前正式成立 Fan Club，並命名為「車厘子軍團」，自從有軍團粉絲撐住，令她更珍惜疼錫自己的人，在軍團中男多女少，男粉佔大比數，正所謂異性相吸，Cherry覺得是正常比例，不過她最開心是能夠夢想成真，有屬於自己的小天地！
Cherry表示，自從成為歌手之後，身邊多了一班粉絲，無論她出席唱片及電影活動也見到他們到來撐場，於是促成了其成立歌迷會。Cherry笑說：「我要叫佢哋做『車厘子軍團』，我對佢哋好有使命感同歸屬感，佢哋不辭勞苦咁陪住我，之前電影謝票佢哋場場都有出現支持，仲買埋飛入戲院打氣一齊謝票，又幫其他觀眾打燈影相，連謝票燈光組都做埋，佢哋好撐住我，仲大叫我顏卓靈個名，其實我鍾意人哋嗌我全名，不過就因為工作未有正式同佢哋傾偈，我之前喺吉隆坡拍戲想起返到香港一定要搞成，好在今次真係夢想成真。」