■心穎希望有個代表作。無綫重頭劇《宮心計2深宮計》7月初將進入結局篇，劇裡演將軍的馬國明（馬明）和演宮女的黃心穎感情愈來愈好，劇外心穎和馬明的感情也愈來愈明朗，心穎坦言與馬明已有共識，如果要他們一起出來講感情事，一是分手，一是結婚，其他事對觀眾而言只是瑣碎事，所以沒需要作交代。■採、攝：植毅儀／化妝：Jeff Tang／髮型：Steve Shek @HAiR
選港姐入行的黃心穎，不經不覺在短短六年間攀上「女一」之位，還有大半年就踏入三字頭，心穎表示覺得自己短短一年間成熟了很多，也因為買了樓做業主，又有自己喜歡的工作，心中更加踏實。
「現在我29歲多，距離30歲還有大半年，但我覺得28歲去29歲那一年長大好多。28歲前自己好急躁，但過了29歲生日，所有事都慢落來，只需要開心，因為愈大愈難開心，而且開心也難維持，所以現在開心就做，唔要勉強自己。三字頭之前想做的都做到，好似搵到自己喜歡的工作、置業及買車。記得當年選港姐競選就是想豐富人生，現在我做到了。人成熟了，家人又安好，所有嘢都好就唔驚，30只係一個數目，沒有什麼好怕的。」
曾幾何時，心穎是緋聞常客，入行6年，幾乎和她合作過的男星都傳過緋聞，明明有些緋聞一睇就知是煲水新聞，但曾經也令伊人感到困擾。相反，和馬明關係明朗化後，心穎緋聞相繼減少，事業也愈來愈好，榮登女主角。問到心穎可覺得馬明是她的貴人？心穎坦言一段穩定的感情，令人更可專心工作。
遇他人踩過底線必反擊
「過去一兩年我多了機會，除了擔正女一又可以唱主題曲，有時應該唔適合自己的工作，又可以選擇唔做，工作上算有少少控制權。唔好講到是馬明帶挈我，可能係大家經過呢幾年，知道心穎係一個點樣的人。好多時，我有自己的底線，如果唔踩到去，我好少出聲。但也試過有些人，一來就試我底線，我直情同佢講，『你唔好來搞我，我唔係只會坐喺度被人蝦的人』。」工作上，她自問不一定要攞獎做視后，唯一是希望滿足於自己的表現，希望有個代表作，大家見到黃心穎，就會講起該角色。
她稱跟馬明有共識，就是不會公開認是否拍拖，「我們唔係唔認，係覺得冇嘢需要交代，如果交代咗成件事好似變咗好公眾，係大家的事，當有少少問題時，所有嘢都會放到好大，我唔鍾意咁，所以工作同感情分開。將來結婚都可以出來講，因為係喜事，可以交代，其他嘢對觀眾而言都係瑣碎嘢，冇人想知我倆的事。我們有共識一旦企出來講，一係結婚，一係分開。」