香港文匯報訊（記者 李思穎）梁漢文（Edmond）前晚與朋友到卡拉OK睇世界盃，其間不慎絆倒，額頭撞向枱角，頭破血流，即時入院治療。昨天他接受完手術後，向外界透露其傷口見骨，長7cm，縫了多達37針，幸現無大礙。Edmond以「鬼打無咁精神」來形容手術後的狀況，並透露本月13日會如期出發去俄羅斯現場睇世界盃。
Edmond於昨日凌晨大約3時半，放上一張額頭貼了紗布的受傷相片，留言說：「今屆世界盃都未試過出去睇場波，突然心血來潮打給我兄弟問他在哪裡，他剛巧在卡拉OK，當時我的感覺直情是緣分到了，可以一齊睇波。怎知意外就是意外，沒得解釋，竟然可以一邊唱住人家想我唱的《一世一次戀愛》，個頭直接撞落枱角，流血不止。經過一大輪討論，我決定明早（昨早）做一個大手術，所以我之後會好靚仔，Good nite，大家不用擔心。」
因燈光太暗出事
昨天Edmond在手術結束後，便拍攝短片向大家報平安，見其額頭貼了一塊長膠布，並戴上口罩，精神尚可。他透露因當時在卡拉OK房裡，把燈光調暗唱歌，卻因燈光太暗看不到有一級，行前一絆倒就直接撼落張枱。他的傷口縫了37針，長度為7cm，深度見骨，「如今要做的事都做完了，等付完款就出去吃東西，因為很肚餓。放心，多謝大家關心，Thank you！」Edmond之所以縫37針，因醫生想他靚仔一些，只要縫得細密的話，傷口疤痕會癒合。完成手術後，Edmond已回家休息，他笑言現在「鬼打無咁精神」，繼續頂頭槌都得。同時已照過腦掃描，一切沒問題，稍後13日會如期出發到俄羅斯睇世界盃。