譚俊彥 李施嬅香港文匯報訊（記者 梁靜儀）陳展鵬、譚俊彥（Shawn）、李施嬅、陳山聰、陳自瑤、何雁詩及張國強等，昨到啟業邨為無綫劇集《天命》宣傳。眾人分組玩遊戲，陳山聰要蒙眼試食，何雁詩餵他吃缽仔糕時笑說：「我成日用嘅。」陳山聰很快就估中，並抵死笑說：「你唔好擲出嚟呀。」
展鵬表示近半年多了去街市買餸，因為有些湯水要自己煲給媽咪飲，他笑說：「咩都學吓，最緊要識到街市每一個檔。」說到他做了住家男？他卻說因此而被人寸：「係呀，轉咗形象，畀單文柔寸過，唔想我咁快轉呢個形象。」問到他媽咪身體情況？展鵬表示沒有惡化，進步中，但比較緩慢。
譚俊彥表示雖然近日要忙拍新劇，但每日都會趁有空檔在化妝間追劇。問到父親狄龍可有睇？他笑說：「今朝老竇話好似佢自己做緊，可唔可以話佢好自戀呢？你知佢好多四字成語㗎啦，細個都有教過我。」
劇中Shawn與施嬅飾演一對，二人又讚對方演得好，又透露二人將有激烈床戲：「只係喺張床做，唔係嗰啲床戲，係情緒好激啫。」他又回想當日拍到陳自瑤懷孕的戲份時，剛好就接到太太通知懷了第二胎，如今二仔已十一個月大了。他又笑言很旺合作的演員，他們都很易懷孕，恨生仔的施嬅聞言即說：「咁你旺埋我啦，我都想生，一定會生，不過我鍾意女多啲。」
她又透露已恭喜了宣佈懷孕的好友李亞男，並羨慕的說：「見到佢哋有小朋友好羨慕，『處女黨』個個都生，我哋就得杏兒，（入錯黨？）唔係嘅，我哋呢班好勤力做嘢，我同定欣都想生，但搵唔到人同我哋生。」