■衛詩雅跟農夫合作拍《笑林寺》。香港文匯報訊（記者 梁靜儀）張兆輝（輝哥）、農夫、衛詩雅、劉以達、錢小豪、陳嘉佳、夏尉喻（寸嘴Barbie）及新人勞浩羽等，前日到屯門出席電影《笑林寺》開鏡拜神。久未露面的夏尉喻以低胸連身裙谷胸現身。客串演出的輝哥，笑言今次又是演警察，拍之前也有問過導演，想他演搞笑的警察還是正路的警察，導演就說不用他搞笑了，因為其他的演員還有農夫及劉以達。之前他和劉以達已拍了對手戲，問對是否忍笑忍得好辛苦？他說：「都唔係，嗰場戲同佢都好正常交對白，但可能就係咁，出嚟變咗搞笑。」
農夫自爆今次的片酬是他們從影有史以來最好一部，他們說：「因為我哋片酬一向太低，人哋畀得呢個片酬證明我哋係值得呢個價，好似有啲進步咁，好耐之前試過貼錢去拍戲，（當年為爭取知名度貼錢都要拍？）係為興趣、為藝術。」 戲中他們飾演劉以達的徒弟，他們表示合作得很開心，問到可接到達哥的對白？他們笑說：「當然接唔到，因為佢自己都接唔到。」
衛詩雅笑言知道與農夫有對手戲都驚了成晚，原本前日還要有對手戲要拍，但臨時改了劇本，她坦言驚的原因是怕自己忍不到笑：「佢哋個腦轉得太快，所以都怕接唔到。平時出席活動見到佢哋都要避開，因佢哋成日語言上整蠱我，真係唔夠佢哋嚟，對農夫又期待又驚。」她又透露戲中和陸永是演情侶，但就沒有咀戲，還有一個好犀利的造型，會好核突，滿面暗瘡、雀斑、哨牙、戴眼鏡，試完造型好興奮，她又不介意扮醜女。