■陳志雲指古巨基好想生B。香港文匯報訊（記者 植植）陳志雲（Stephen）前晚舉行尾場演嘢會， 在嘉賓環節中先是邀到謝安琪演繹歌曲《This Is Me》，希望觀眾都能像陳志雲一樣認清自己的路，追尋自己的夢想。Stephen除了與謝安琪大談相識經過，更爆曾因為謝安琪爭取演出機會而被方姐（方逸華）罵。及後，陳志雲亦邀來古巨基（基仔）任嘉賓現身，Stephen爆對方好想生B，而日前王祖藍擔任嘉賓時就建議基仔加入其公司：「佢話加入佢公司即刻有得生，你會唔會考慮？」基仔反問：「點解要考慮？我未滿約。」說到祖藍的公司名叫手工藝創作有限公司，基仔笑言：「有時生仔都係手工藝。」
Stephen笑指基仔應該快生得，因為上次他在紅館意外跌落大窿後，太太Lorraine看到其屁股有妊娠紋，基仔卻指那是橙皮紋，Stephen即表示都係妊娠紋的一種，所以就有得生。基仔就回應：「承你貴言。」Stephen隨即打探兩人何時開始同居，基仔說：「今日賀你60大壽，做乜講呢啲嘢？你咪以為Dead air就焗到我答！」提到Stephen打官司那段日子，基仔坦言很想給予鼓勵和支持，更說到口震震想喊。二人擁抱後，基仔就唱出《友共情》。