■Jessica C.(中)同一眾GAMEGIRL合照。香港文匯報訊（記者 植毅儀 、實習記者 張雅婷）Jessica C.(JC)昨日以性感女神look現身動漫節活動，大會播返以前JC扮演過的角色相，佢自言回憶甚多。六月尾剛生完細仔Elvis，話咁快細仔Elvis 6星期大，Jessica C.說：「收工之後想即刻返屋企睇仔，佢五官好似爸爸Andy(安志杰)，而囡囡Tessa似我。」
JC生咗之後未坐足月就活動，佢話生咗後喺醫院已落床，但早前肚痛入院，Jessica C.說：「可能食咗雪糕，醫生要我留院，但我掛住囝囝唔肯。現時仍餵人奶給仔女，自己供應足夠有餘。屋企人喺台灣，囝囝百日宴應喺當地舉行。」
問到JC會唔會在家角色扮演同老公增加生活情趣？JC表示可能會，因為Andy鍾意好多性感遊戲角色，有時一家人在萬聖節扮嘢，一家人可以扮《超人特攻隊》。