■許廷鏗表示最近排舞，不乏與女Dancers有親熱動作。香港文匯報訊（記者 凡文）歌手許廷鏗（Alfred）前晚出席飛鏢活動暨音樂會，Alfred自嘲掟鏢水皮，但上次記者會符碌一掟即中紅心，笑言見好就收不會再掟，Alfred表示掟鏢近年都變成一種運動，自己就沒有咩天分，有天分朋友就應該繼續鑽研。講到最近鑽研什麼，Alfred表示為新歌《體操》排舞，下月3日會首次現場演出，Alfred說：「都入行十年，想試下跳舞，我自己覺得OK，但網友話我生硬，咁硬有硬跳，希望On Show時會多點自信。(有指新歌歌詞充滿性暗示？)歡迎每位聽眾自行解讀，很高興有人留意歌詞。廣東話博大精深，可能我形象太老正，其實外國好多歌都有啲意味。」
Alfred又自爆最近排舞，不乏與女Dancers有親熱動作，例如要摸她們心口，自己起初相當緊張，反而是舞蹈員叫他放心摸，問到感覺正唔正？Alfrend笑言：「我唔回應，但多謝她們咁大方。（她們有沒有摸返你？）唔......總之我冇唔舒服感覺，其實大家都有些自摸動作，呢啲都係畫面來。」