方嘉柏曾為其已故父親方祿麟擔任助手數季，至○三至○四年度馬季獲發練馬師牌照，繼承其父親的事業。從練首季已奪得四十四場頭馬，成績超越其父最佳馬季的成績，○六及○七年度馬季首次登上冠軍練馬師寶座，其後再奪得該項殊榮兩次。一三至一四年度馬季於季終賽馬日後來居上，取得三場頭馬，雖然頭馬數目與蔡約翰打成平手，全季各贏得六十二場頭馬，但因亞軍數目較蔡約翰多一場而第三度榮膺冠軍練馬師。方嘉柏在跑馬地的成績尤其突出，共取得四○二場冠軍，僅次於在港從練最久的大摩。方廄前季獲六十一場頭馬，上季大倒退只得卅九冠，最主要原因係季中階段已經開始收油，馬房明顯提早收爐，不少馬匹因而得到減分優勢，新季只要操起狀態，立即可以成為爭勝棋子。「喜進」上季四捷由四班一直殺上二班，能夠三勝谷草千二，亦曾於初跑泥地千二米一役輕勝兩個半馬位，可見泥草皆宜，新季好快可以征服二班。「自由旺」剛季由五班反彈，整季三捷分別贏過泥地千二米、谷草千二米及田草直路賽，盡顯出路廣泛的一面，新季應可扶搖直上。
「電子大師」（圖前駒）上季首戰即贏田草千二，其後再無寸進，最主要原因係左前腿受腳患困擾，晨課未能夠全力催谷，但此駒現已轉投方廄，近期操練正常，預料好快可贏馬省招牌。