「中箭（香港眾志）」前日開記招話有兩個非骨幹成員曾經喺內地俾國安扣查，但成件事得佢哋自說自話，既冇人證，又冇物證，唔少網民都漸漸梳理出唔同疑點，質疑佢哋「既然要扣查，點解遊覽完大陸（內地）先拉」、「既然非骨幹成員國安都知，仲使乜問佢哋攞成員名單」、「點解『中箭』今次咁忍得遲咗成5個月等到香港高鐵都準備通車先講」等等。 ■香港文匯報記者 甘瑜
「Stephen Sin」︰如果大陸（內地）真係捉得你返去...... 咁你又點會返到嚟香港......
「Focke Lo」︰點解一返香港唔立即報警？ 報完警一樣可以開記者會，有無其他人證明佢真係俾人拘留？
「Chi Hung Wong」︰疑點一，國安人員不輕易表露身份及證件，二國安有自家辦事處，外人如公安民警也不知曉，怎會帶犯入派出所？
「Allen Wu」︰既然分別清楚掌握到兩個「不起眼蛋散」行踪，又何需拷問要提供「組織」資料？自己可能調查得更清楚啦。