■西貢一所雞髀店交收慘遭甩底。 店舖fb專頁圖片食店提供200雞翼 交貨日學生一句Cancel封鎖訊息
大學生籌辦活動資金有限，尋求贊助是常見做法，惟最近又再爆不愉快事件。西貢一所雞髀店負責人昨日在facebook專頁發帖，指約兩星期前有自稱科大學生會學生到該店要求贊助，店家答應提供200隻雞翼以示支持。惟有關學生不但一副「奉旨」態度，交收當日居然「甩底」，面對店家WhatsApp查詢僅留下一句「sorry」及「cancel」便二話不說封鎖對話。大批網民為店家遭遇抱不平，狠批學生差勁無交代，要求立刻交代。至昨日深夜，科大學生會發出聲明道歉，稱願負責店方一切損失。■香港文匯報記者 姜嘉軒
位於西貢的「髀魔-雞髀第一店」昨日在官方facebook詳述事件，指約兩星期前有科大學生到來，「比（畀）左（咗）份『2018-2019年度香港科技大學學生會冰川社三學生會迎新營贊助計劃書』我地（哋），佢話想我地（哋）小店贊助佢地（哋）學校迎新營嘅一啲小食」。
學生要提早交貨 最後no show
店家憶述，對方當日的態度已經不太好，「佢簡單講自己係邊個之後，就叫我地（哋）贊助佢野（嘢）食，我地（哋）應承贊助佢地（哋），佢竟然一句多謝都無，反而仲話可以幫到我地（哋）小店喺科技大學做宣傳」，但考慮到少許食物當幫吓大學生，於是便答應。
雙方原定昨日上午10時半交貨，前晚凌晨1時許學生突然傳來訊息，稱希望提早半小時取貨。
店家至早上才發現該訊息，只能趕及10時07分預備好所有食物，並透過短訊告知可以取貨。學生當時回覆「ok」。
WhatsApp玩封鎖 店家：好人難做
店方等至11時仍未見人，於是再聯絡學生，學生回覆稱，將會安排人手到取。
不過「說好的人手」遲遲未到，店家惟有再三查詢，「他就一句sorry，另一句cancel，然後就封鎖我地（哋）小店嘅whatsapp（WhatsApp）。」
店家感到十分憤怒，批評有關學生浪費他們的人力時間、食物和一番心意，「真係好感歎（嘆），現今嘅年青（輕）人（唔係全部，只係指某部分）點解連一點點嘅尊重、禮貌同埋珍惜都唔識」，大嘆現今世代實在是好人難做。
帖文獲1900回應 近2900轉發
帖文發出5個小時後，即截至昨晚9時已獲近1,900個回應，近2,900個轉發。留言的網民幾乎一面倒批評學生行為差勁。
不少網民更到涉事學生會facebook專頁留言，要求對方立刻交代，若事件屬實必須致歉。
網民狠批 專頁刪文火上加油
不過，有網民發現專頁管理員將一些批評的留言刪走，此舉激嬲更多網民，惹來「洗版式」狠批。網民Rockson Kwan稱：「素來del post都係會引發關公災難㗎啦，你哋唔係唔知呀嘛﹖」
涉事的科大冰川社三學生會成員昨晚在回應傳媒查詢時聲稱已到該店了解，並向對方道歉。
涉事學生已親身道歉
店方確認，涉事學生已親身到店舖道歉，店方希望學生知錯能改，謹記教訓。（見另稿）
至昨日深夜，科大學生會發出聲明道歉，稱願負責店方一切損失。
網民鬧爆
李智勤：要道歉及賠償！
Raymond Chan：返咩大學丫（吖），學好做人先啦！
Shawn Chiu：仗義每多屠狗輩，負心多是讀書人！
Amanda Ho：應該係今（昨）日太大雨cancel咗個活動，但應該解釋返而唔係直接消失同block人。
Chan Wing Kai：未來棟樑，香港將來靠你班垃圾嗱（喇），加油繼續！
Stephen Leung：一百隻雞死得無辜，二百隻雞翼沉冤未雪！
Kayan Chan：叫佢地（哋）開Live食晒佢！
Albert Yip：以後小店做好心要先小人後君子，收左（咗）按金先做，黎（嚟）就食物加按金送俾（畀）學生，no show就沒收。
Cindy Lam：要交低按金，好似好小家，但防人之心不可無，這都是拜這些無誠信的人所賜。