■店家透露兩星期前，從學生手中收到一份迎新營贊助計劃書，游說他們提供食物贊助。 店舖fb專頁圖片香港文匯報訊 科大生搵贊助玩甩底事件，昨晚在網上鬧大後，食店其後再發出帖文，指原本發文「只係想呻吓，無諗過要搞大件事」，更讚香港人充滿正義感，紛紛發聲打抱不平。
食店又指該學生會成員已親自上門誠懇道歉，店方已經接受。「人總有做錯的時候，大家都年輕過、魯莽過、做錯過，我哋相信今次嘅事件，佢哋亦都已經反省咗，亦受到應得嘅教訓，所以都希望大家畀個機會年輕人繼續向前行，唔好再人身攻擊佢哋，亦都可以放低件事，由它過去吧。」
食店在帖文最後希望網民勿再將件事繼續發大，「大家都畀返啲正能量大家。」
不過，似乎不是人人收貨。網民「William Tang」稱：「你唔post出嚟，佢哋會嚟道歉？」
「Chan Kim Ho」更悲觀，指「放心啦，一定會有下次，人一定會犯同一個錯誤」，但有人比較正能量，「Ingrid Chow」說：「欣賞呢班學生願意道歉、反省，同時希望佢哋賠償，彌補貴公司今次嘅損失。」
