第五場「猴王駒」上季在文廄起步季中轉投麥廄，屢拚得個近字，評分減到目前五十四分，單睇晨操表，七月尾復課至今一直未停過，瞄準是出擊之時。「香江世億」同母馬是在港十捷的「金紫荊」，看暑後晨課及試閘，馬兒轉廄後狀態起得甚快，減至四十五分起步可即食。
第六場「怪獸都市」上季改變放頭跑法後取得三捷大有進步，今季依然可出戰四班賽，可見阻力不大，季前亦曾試過大閘才報跑開鑼日賽事，應不會打冇把握之仗。「清新動力」去季三度跑入位置，證明牠的實力足以在四班逞強，配腳勿忘。
第七場「金鼓齊鳴」去季出道一出即勝，雖然要再跑多兩仗後始取得第二捷升上三班，但其戰績仍有瞄頭，八月尾試嘉年華草閘，末段推幾下隨即輕鬆加速跟前，姿態令人滿意，季初首戰可以搶攻。「醒蹄飛」七歲老馬實力或走下坡，慶幸目前在三班角逐，對手級數有別，爭勝機會提高，操好而來可介入一戰。
第八場「一舖成名」上季尾加眼罩順利爆冷贏馬，年青馬目前踏上升軌階段，相信此際升勢未止，結合此際良好狀態，料有權爭取跨季連捷。「芙蓉莊」除初出千二米之外，餘下兩戰千四米俱跑入三甲，今次起用潘頓操刀決心先下手為強。
第九場「好友無敵」上季分別兩捷贏谷草及泥地千二米，田草同程四戰全敗，不過亦有兩次第五紀錄，開鑼日即出王牌報名看來並非湊熱鬧。「健康美麗」去季兩戰今次路程俱有甚佳追勢，首戰跑第七，末段締造全場最快時間，翌仗直路又一次從包尾位置湧上提升名次得殿軍，走勢持續進步，冷勿盡忘。
第十場「協霸神駒」來港後已曾經三度試閘，去到今季八月尾嘉年華閘作最後演練，此駒現時已具備一定比賽狀態，相信今次會有不俗走勢交出。「大籐王」上季四捷鋒芒畢露，贏來姿態仍是有餘未盡，今次起用贏馬拍檔郭能執韁，有力取得跨季孖寶而回。