■唱到眼濕濕的基仔獲主持何炅安慰。香港文匯報訊（記者 植植）日前，古巨基參與內地音樂節目《幻樂之城》演出，節目以「唱+演」作為表演形式，以電影長鏡頭的表現方式重塑音樂作品。今次基仔自編自導自演嘅音樂劇《下次再見》原來係親身經歷。
別等下次，別愛太遲，唔係所有下次再見都能迎來久別重逢。歌未起，淚已落。音樂劇講述求學時間嘅五位好友，畢業後各有各忙，直至十年後其中一位老友結婚先齊腳聚會，後來其中一位好友遇上車禍離世，呢個時間，基仔就唱出《朋友》。其實呢個音樂劇題材係基仔自身感受，事後佢喺自己社交平台寫道：「早一段日子，我一位老朋友過世。他是我的小學同學，長大後大夥兒雖然各有忙碌，偶然能約成的聚會通常都比較難人齊。兩年前，最要好的一班老同學和老師終於約了一次相對齊人的飯聚。我還記得在聚會結束前，大家說好了以後要多約多見面。沒想到，那是我見他的最後一次。在那次聚會的幾個月後，他突然離世。原來，人生真的很無常。」平常嘅一句「下次再見」變成再也不能見。基仔嘅動情演繹，獲得音樂體驗官王菲讚歎：「整個人都在情緒裡面！」
今次基仔仲特別搵嚟多年前拍《情深深雨濛濛》中，「何書桓（古巨基飾）」嘅好友「陸爾豪」高鑫於音樂劇中飾演自己過世嘅好友，睇到網民好鬼激動，回憶仲返晒嚟??。除此之外，憑《延禧攻略》「富察皇后」一角而爆紅嘅內地女星秦嵐亦有喺微博轉發，除咗喊人住睇，佢仲大讚基仔有顏值又有才華??。除咗感性嘅一面，基仔其後又回復佢搞鬼性情，為了給觀眾留下懸念，基仔喺台上自爆同導演意見不合，所以只有他自己一個人上台。主持何炅搞笑回應：「你這樣講，很容易讓觀眾們解讀成：你把導演氣走了！」基仔就話：「但是為了能上鏡頭，最終他還是來了。」原來就係基仔自導自演自演自唱，咁「大牌」嘅導演，引得現場爆笑連連。