■楊千嬅與杜德偉前晚開騷，全場座無虛席。香港文匯報訊 楊千嬅與杜德偉(Alex)的音樂會前晚於亞博舉行，全場座無虛席，過萬觀眾與他們共同歡度一個開心晚上，唱到快歌部分觀眾更是開心地全場站立起舞，氣氛熱烈。由於今次丁子高的正向文化娛樂公司是項目統籌，所以全家總動員來捧場打氣，另外蘇永康，方力申等均有到場支持。千嬅更自爆每次約食飯都係傾湊仔經傾唔停口。
千嬅及Alex首次合作大型表演項目，得到觀眾熱捧，狂喊安歌不肯離去，令二人都表示十分開心，Alex更謂其實這個騷大家喜歡的話，可以用作巡迴世界。
專程為個唱巴黎買歌衫
為了這個騷，Alex特登在演唱會之前飛去巴黎買衫，至於他的囝囝雖然演出當晚沒有來，不過總綵排時就有來捧場，Alex說：「總綵排嗰日係佢兩歲生日，媽咪帶了佢來同我喺後台切蛋糕，我喺台上面仲唱咗《happy birthday to you》畀佢聽，佢係第一次見到Daddy喺台上面唱歌，我見佢好認真咁望住我同聽呀，聽完仲識得開心拍手掌。我專程拍低片，等佢第日大個可以睇返，記得返Daddy，媽咪幾錫佢囉。我老婆就話生日禮物好緊要，決定每年買一両金送畀佢，咁等佢十八歲佢就有十八両金。」旁邊的千嬅聽到就不停話，真係好sweet 呀！又搶白說：「小朋友生日禮物真係唔可以漏㗎，漏咗妢|同你計，追返你。哈哈，我個仔細個都收到屋企老人家送過金，我就同佢買了十份八份保險，咁同儲金都差唔多㗎啦，哈哈。」
畀空間兒子自由發揮
說到唱歌Alex是師兄，但湊仔就應該千嬅變師姐，千嬅話「係喎，我湊多佢幾年，經驗多一些，所以我們約食飯都係傾湊仔經傾唔停口啦，我個人就覺得湊仔同女真係方法不一樣，仔真係唔使好保護，反而要畀多些自由空間佢自己去發揮，有問題等佢自己去承擔去解決，咁先至令佢哋成長，我以前都幾保護囝囝，佢入了國際學校之後，我便開始學會『放手』，現在學校發生咩事，老師會同我講，但係我就唔會過問，由得個仔自己去面對囉。等佢學識點樣解決問題。」
Alex 一路聽就一路話：「我嗰個仲細，現在我都係要保護佢啦，最緊要係健康，第日讀書先放手等佢自由發揮。」