【資料速遞】加州福星打破悶局

2018-10-26

已故梁校長梁挺生博士同妻子梁羅澄容及三名子女吳梁佳貞、梁欽聖和陸梁佳儀都有養馬，而第三代嘅孫仔梁君宇同孫女梁舜荇、梁舜茵、梁舜茗都已成為馬主行列，「加州」系又重回昔日盛大版圖，現役馬多達十駒，固然可在馬圈大展拳腳，但換個角度睇，如果隻隻贏唔到，一個月養馬費都燒成五十萬，一年冇馬贏更要白耗六百萬，條數其實好襟計！今個馬季跑咗兩個月，「加州」系仍未開齋，幾隻試過有飛嘅「加州再豫」、「加州神箭」同「加州議長」都未竟全功，但唔好咁快氣餒先，周日梁氏家族有「加州福星」、「加州銀晉」及「加州更好」列陣，隨時可以一破悶局。