■蕭正楠從後擁抱曹永廉合照。香港文匯報訊（記者 李思穎）蕭正楠和曹永廉這對孖寶兄弟經常毫不留情互窒對方，儼如一對情侶耍花槍，昨日兩人一起出席公開活動拍住搵錢，繼續大放笑蛋，阿蕭自爆同阿廉傾偈多過同女友黃翠如，阿廉就指對方經常叫他一個出街，擔心家庭受到影響，最後阿蕭更從後擁抱阿廉合照，如同情侶檔一樣，十分搞笑。
阿蕭和阿廉在台上炮製甜品窩夫，二人邊煮邊揶揄對方，又請對方食蕉皮，當阿蕭想在香蕉上雕上《兄弟大茶飯》，阿廉笑言：「雕你個名啦。」場面歡樂。問到兩人是否情侶檔上陣，阿廉澄清：「兄弟啫，好相愛的兄弟。」阿蕭即說：「以前拍劇先見到阿廉，近半年見多了，因合作幾個綜藝節目主持，日日聯絡，同佢傾偈多過翠如。」阿廉反指對方「冤氣」:「剛在瑞士回來，翌日便約我食飯，成日捉我出街，只叫我一個，無叫我屋企人，我驚佢搞『禍』我屋企，要少見些。」阿蕭又自爆之前在郵輪浸按摩池，個池太窄，大家腳貼腳，佢開頭有着褲落去，後尾唔知，哈哈。
說到早前阿蕭為女友翠如精心準備了一個蘋果樹蛋糕慶生，原來箇中意義很深，當年他倆在「訂情劇」《師奶Madam》中，翠如角色叫apple，阿蕭叫大樹，阿蕭謂：「大樹裡只有一個apple，(翠如好冧？)佢好開心咁多謝我，不過佢係金魚記憶，感動幾秒後，翌早醒來便會忘記。(你坐正中間位當自己生日？)湊巧而已，其實事前準備好難，翠如拍緊劇，其他朋友都好難約。」阿廉忍不住笑阿蕭「肉麻」， 但就夠細心。