■王梓軒和林愷鈴在MV中首次合作。香港文匯報訊 王梓軒（Jonathan）近日推出新歌《寄居太虛》，更邀請龔慈恩愛女林愷鈴（Ashley）擔任MV女主角飾演聾人， Jonathan大讚對方專業，有藝術氣質：「其實Ashley真係好適合我心目中個女主角形象，我哋需要一個外表弱質纖纖、但內心好堅強的女主角，之後我哋先知佢對中提琴幾有信心，所以就邀請佢飾演一個殘障的音樂家。」
王梓軒笑指早前與龔慈恩合作時，對方向自己「推銷」女兒優點：「唔好誤會呀，龔姐係話佢有個女對藝術好有興趣，希望未來有機會就在音樂上夾一夾。Ashley真係好有家教，又知書識禮，我哋在雜誌上睇到佢嘅訪問，真係好叻女，所以邀請佢做我MV女主角！」
林愷鈴為投入角色，專程向聾人學習手語，她說：「原來真係好難，手語係要配合埋表情先有完整意思，我好開心透過今次MV對這方面有所認識。媽咪都有同Jonathan合作過，佢讚Jonathan好乖仔、好有才華，是藝人的榜樣，要我好好學習。」