■陳安立、Aka@SG、6@RB出席澳門旅遊塔接力賽。香港文匯報訊 陳安立（Brian）、Aka@SG、6@RB，日前出席澳門旅遊塔接力賽，擔任樂施會滅貧眾籌大使，Brian就話汲取去年經驗，學會「留前鬥後」戰術：「上年熱身唔夠，又睇小了跑樓梯比賽的劇烈程度，所以搞到上氣唔接下氣，完成比賽之後不斷狂咳。今年多咗經驗，識得分配體力令時間快咗，最後打破了上年紀錄，贏到團隊冠軍超級興奮！」 Brian就話為今次比賽刻意抽時間練習，一拍畢《詭探前傳》後埋位特訓：「我都要多謝我Trainer，成日同我練跑樓梯。又叫我唔好搭電梯，有樓梯就跑，有時都會嚇親倒垃圾的街坊，真係唔好意思。拍劇期間我都有問秋官學養生之道，秋官話每晚都會喺屋企做運動，持之以恒，非常值得學習。」