■長毛去完李卓人造勢會後，發帖幫手拉票，但睇見有不同意見嘅留言，竟然爆粗鬧人係「蛤蟆」。 fb截圖民主就係應該聽不同意見，有錯則改之囉，但幫李卓人助選嘅人就口講民主，其實就唔係咁諗囉！話說「長毛」梁國雄前晚去咗李卓人造勢會，然後出post幫手拉票，但當有網民留言發表不同意見，長毛就即時標童咁，爆粗鬧人係「蛤蟆」，仲話：「你有票？我唔要呀！」
留言唔啱聽 爆粗鬧蛤蟆
話說長毛出post幫李卓人助選，有不少網民入去留言，話李卓人唔係合適人選，例如「Ringo Wong」就話：「咁多年投你班無賴一事冇成，剩攞人工，遊埠，供自己樓，攞着數！」
唔啱聽咪當聽唔到，又或者同人講道理囉！不過，口講民主長毛一見反對意見就大發神經狂鬧人，「金句」包括：「??家喺度豬噏，收啦！」「我×你班蛤蟆呀！你有票？我唔要呀！」「除咗喺呢度打飛機之外，你班蛤蟆仲識做乜？」
眼見長毛發咗癲，「Chun Chan」就留言嘆道：「你哋同所謂嘅爭取民主公義已經越行越遠。」「元小武」亦話：「各位市民唔好再作賤自己。投給『泛民』等於自認蛤蟆。」
「神駒」仇思達亦發帖話：「 長毛賊不斷叫囂『×票』，貶抑『本土派』支持者為蛤蟆，並宣稱『你有票？我唔要呀！』大家識做啦。」「獨」人周竪峰亦趁熱鬧：「本報訊：梁國雄正式代劉小麗宣佈，並不需要『本土派』選票。」
「Kenneth Tsui」取笑道：「毛哥咁憎人哥㗎，佢唔係『收咗錢』九西??走啲票呀？」「Wong Wai Hing」就突破盲腸：「長毛梗係唔要......都唔係選新東！」
■香港文匯報記者 陳川