第三場「自由旺」近仗一放了事走勢似乎留有以待，今次抽到一檔起步對其快放跑法有利，估計目標應放在今場。「龍騰摘星」轉投苗廄後翌仗已在谷草千二米贏馬，睇其姿態根本是有餘未盡，今次沿留四班再戰勝途，苗禮德有力再省招牌。
第四場「志友運」上季加眼罩立即贏馬而回，上次跑泥地後上甚勁得第五，今次渡江重戴眼罩易配蘇兆輝已擺出搏殺格，值得睇高多少。「勁飛勁」七歲馬今季易廄後終於復見威力，初出跑第四之後，上場後上如飛壓倒「問鼎高峰」爆半冷贏馬，後駒再出上三班照補中，如今加五分再戰四班勝途當有力梅開二度。
第五場「越影」來到目前三班層面肯定佔有優勢，上次泥地一哩配見習生都跑第三，證明目前狀態經已復甦，今次重返主場谷草上陣更有利發揮，易配潘頓執韁可望名利雙收。「悅裕」今季轉投東廄初出曾在谷草倒灶而回，今次馬房再安排渡江上陣應有見地，易配何澤堯減磅兼賠率回升，大樹遮蔭之下值得跟多一場。
第六場「舉世無雙」前仗轉跑谷草一哩順利開齋而回，已搵對場地及路程性能，今次易配鬥志十足的巴度執韁，加上同場叛將當前，料可取季內第二場勝仗。「大運起」肯定質素非高班之流，加上跑法十分尺寸頗考騎師走位發揮，今次抽到二檔起步有利，田泰安再騎必定拚個明白。
第七場「綠色有運」來港前在昆士蘭三戰兩冠一季，季內兩場谷草千二米已熱夠身，今次越程一哩上陣隨時可平地一聲雷。「雪戰神駒」上場初跑谷草千二米起用蔡明紹立即爆冷贏馬得手，顯示出窄場專家本色，上班作加程可見自視不低。
第八場「紅星」過往贏馬之後再出例有好成績，今次沿留三班角逐大可再接再厲。「帆哥兒」屬前馬王「范高爾」的子嗣，於英國兩捷千二至千四米，身價定不便宜，北半球適應水土需時，今次重返唯一上名路程上陣加強配搭初次落三班，估計有耳目一新表現。