■家燕姐被天華公主抱。香港文匯報訊 薛家燕將於12月開騷，前晚在北角為入行60周年演唱會綵排，邀請了謝天華做表演嘉賓，兩人演出一首《再共舞》。首先兩人面貼面，然後載歌載舞，到最尾一個pose謝天華要抱起家燕姐，見佢谷到面紅耳赤頂硬上，後來家燕姐話：「攞囥R。」謝天華表示現場未必會做這一部分。
傳媒要求天華抱多次家燕姐，天華笑言一日只可以做一次，24小時後才抱啦。幾經大家同家燕姐要求下，天華最終叫了四位壯男在旁睇實再抱起家燕姐。家燕姐指第一日綵排有舞王拍住，謝天華說：「家燕姐入行60周年，一定要有驚喜畀大家。當日收到家燕姐電話好開心，但壓力就開始來，同咁有分量前輩合作。」家燕姐即刻話：「你講重量呀？」謝天華鍾意舞台表演，視今次為大挑戰，家燕姐話：「天華要求好高，搵佢表演要開會、傾點出場、唱歌、啲衫各樣。」
笑指黎小田都想抱
謝天華抱兩抱家燕姐搞到好辛苦，他說：「知道有咁高難度動作就日日都湊仔女當練舉重，健吓身。」家燕姐說：「你放心，我都減緊肥，減咗六、七磅，到時應該會再瘦幾磅，一共十磅。」謝天華重複道：「動作大只可以一日做一次，頭先係為大家破例，𠵱家揸咪都手震。」家燕姐反安撫天華話：「其實我幾重，辛苦佢，好多人都想抱我，小田都想，但係一齊就會跌落地，因為佢唔夠高。」