■黃德斌與亞殘運帆船比賽運動員付遠威分享抗逆心得。香港文匯報訊 黃德斌昨日擔任「躍動大使」，聯同仁川亞殘運帆船比賽銅牌得主付遠威，透過自身經歷鼓勵大眾正面面對逆境，同時推廣傷健共融的生活態度 。
德斌表示以往經常遇到逆境，例如要拍動作戲份，又坦言之前曾擔心冇工開，身邊朋友都會主動介紹兼職：「都有諗過放棄、轉行，但又轉唔到，啲老闆會覺得可能遲些電影市道好返我又會回去，當時試過一日食一個漢堡包、會不停灌水飲，又會在公司搵啲嘢沖嘢飲。」仲抵死笑言因為走投無路才返無綫拍劇，雖然再返去人工都不是太高，但勝在產量多。他續指剛拍畢兩套電台劇集，快將開拍兩套電影，預計聖誕節可能需要開工。問到這是婚後首個聖誕節，不計劃同老婆二人世界慶祝？他笑話：「佢同我都鍾意熱鬧，如果唔使開工就當然找埋朋友一齊開Party！」