■梁靖琪跟男友做義工。香港文匯報訊 梁靖琪（Toby）與圈外男友Jon拍拖一年多，感情穩定，近日二人應國際慈善團體AIM邀請，到柬埔寨探訪曾被賣到妓寨的女孩。這次訪問令Toby留下深刻印象，得到男友大力支持的她，決定以行動喚醒大眾關注，將於聖誕節推出慈善福袋，並把部分收益捐到AIM，支持孩子重過新生。Toby早前透過男友Jon認識到慈善團體AIM：「Jon一向好有愛心，在他介紹下我接觸到AIM，今次仲同一班教會朋友，一齊到訪位於柬埔寨的安全屋。」柬埔寨的安全屋內，住滿了被救出的雛妓，憶述一個又一個故事時，Toby不禁眼紅：「探訪了一個禮拜左右，今次情況好特別，因為大會起呢間安全屋已經有十年，但係從未邀請過任何人入去幫手，今次我哋就幫她們髹漆，陪小朋友唱歌、玩遊戲等等。之前聽過有兩歲的小朋友被父母賣初夜，今次見到安全屋入面最細的小妹妹只得三歲，覺得好心痛，諗到我周圍契女、姨甥仔，覺得我哋真係擁有好多、好幸福，所以每晚我哋圍埋食飯討論時，都忍唔住流淚；臨返港前亦好唔捨得，攬住男朋友係咁喊，希望以後一年去一次，幫到佢哋更多。 」
回港後，Toby決定身體力行，以生命影響生命，於聖誕節期間推出慈善福袋，並將部分收益捐到AIM，為悲慘兒童出一分力，希望大家可以多多支持。同時亦想帶出一個訊息，有能力幫人係一件好幸福的事，為朋友準備聖誕禮物的同時，可以做埋善事，將愛分享開去，自己都會開心。