■曾樂彤香港文匯報訊 英皇新人曾樂彤今日推出首張個人EP《#meme》，大眾對曾樂彤最感好奇莫過於由她原來的身份「YouTuber」轉變成歌手，今次EP名字《#meme》是網絡用語，有網絡爆紅事物的意思，不過《#meme》除說明了曾樂彤打從一開始就在網絡上引起關注的身份外，還有另一種含義，曾樂彤說：「碟名拆開讀就由兩個『me』組成，暗喻我唔止得一個面向，可能之前我做YouTuber到𠵱家做幕前畀人感覺有落差，咁究竟邊一個先係我呢？其實無答案，可能兩個都係呢！至於封套輯相，就玩同一個造型用兩種截然不同的感覺呈現，有跳脫，有嚴肅，又有無厘頭，但無論咩風格都係我。」曾樂彤又謂即使初入行都知唱片業不景氣，對於公司還會出資為自己出碟，心存感恩：「聽都聽得多實體碟市場不斷萎縮，但做一張唱片要投放的資源同心機真係好多，好多謝公司，作為人生其中一項履歷，我覺得好幸運。」咁問到會唔會對銷量感壓力，佢補充道，因為一張碟除了當作商品，亦算是2018年的小總結，本身已經有紀念價值，對比起銷量，反而更着重外界對專輯封套同第四首新歌《我我》的反應，始終下了唔少苦功。問出碟後有何大計，佢立即笑道：「今年公司向我身上投資唔少，希望之後幫公司賺返多些錢。」