今屆國際賽可以話係創造歷史傳奇嘅一刻，四場國際錦標賽，包括實力最弱嘅香港瓶，港隊一樣能夠憑「時時精綵」拿下，其餘三個錦標，香港短途錦標「紅衣醒神」及香港一哩錦標「美麗傳承」均能成功衛冕，至於香港盃，「馬克羅斯」雖然未能衛冕成功，但港隊「歡樂之光」補上，結果四項錦標，主隊全部擸晒，係港隊馬首次所得嘅最佳成績。
講到創造歷史，羅富全真正為港爭光，翌季當練馬師，可以一口氣拿下兩項國際賽，打破了以往練馬師嘅紀錄。早前有人幫羅富全計過，跑咗幾個月馬，佢嘅成績顯示，係月薪五十萬嘅練馬師，不過，如計埋今次國際賽佢所得嘅獎金，數字應該會進一步調升，大家有數得計，「紅衣醒神」贏香港短途錦標，頭馬獎金有一千一百四十萬，「歡樂時光」贏香港盃，頭馬獎金有一千五百九十六萬，練馬師獎金約佔十分一，咁即係講，羅富全呢日已有二百八十多萬元獎金進帳，一位成功練馬師，收入怎可用一時來衡量。馬房手足當然高興，因為成個倉都有受惠，倉主高興之餘，剛周日向馬房手足宣布，呢幾日會喺火炭某酒家，預計訂四至六圍，邀請埋有幫手嘅馬房工友作慶功宴，呢個慶功宴係倉主自掏腰包，仲有馬主兩餐陸續跟尾，短期內羅富全個倉可以話有排慶功。
正所謂人逢喜事精神爽，周三夜賽，此廄出馬唔多，卻見精兵制，其中新勝嘅「路路通」（圖5號），上場喺四班贏谷草千二米，隻馬以五十幾倍大冷門取勝，幕後賽前當然唔多睇好，能夠變身純粹因為初次戴眼罩嘅戊牷A勢估唔到加上眼罩嘅「路路通」竟判若兩駒，今次馬房再替隻馬作出一個大嘗試，就係棄同晚贏馬千二米路程，刻意增程跑谷草一哩，信倉主嘅部署，「路路通」乃「恆駿寶駒」一族，韌力方面絕對有保證。