全泥宴每季定有幾次，上季跑過三次，今季到目前為止，只係十月三十一日跑過一次，頭馬大多屬一放而返嘅跑法，好似「金湶德」，「估惑」及「怪獸都市」。大家再睇番上季三次泥地夜戰成績，從後面殺上贏馬亦唔多，僅五駒而已，例如「金地飛客」、「神舟小子」、「架勢」、「勇闖者」及「好友無敵」之流，呢啲泥地性能突出嘅馬至有本事做到。不過，從呢啲全泥夜宴成績中發覺有一個特色，羅富全馬房每次都有頭馬進帳，上季三次全泥夜賽，羅廄三次都有馬贏，計是「慣勝共贏」、「喜之星」及「逍遙自在」。今季跑到現時唯一嘅一次全泥夜宴，呢個馬房亦有隻「日日精彩」取勝，睇牌面今次夜賽羅富全係有機會延續佳績。第六場由三班馬跑千八米嘅「神州福星」，係值得優先留意嘅一駒，隻馬上季跑過一次泥地一哩，輸十多個身位，其實隻馬上季來港僅跑兩場都係大敗而回，馬匹尚未熟習環境，所以首季兩場敗績不能作準，今季先後跑過三次，均屬草地賽事，陣上嘅走勢進步唔少，最遠只係輸不足四個身位。今次馬房安排隻馬出戰泥地千八米，賽前曾由潘頓彈過一課泥地閘，就係上周二嘅一課千二米，走位8 7 5，前面四駒係「以奇用兵」、「自在人生」、「加州多寶」及「加州議長」。睇呢課大閘，「神州福星」進步唔少，潘頓明知停賽冇份騎亦肯花時間替隻馬試閘，相信喺吨艉井Y十分重視呢隻馬，他日有機會就攞番策騎權。