■薛家燕與張智霖(左)稍後會合作拍廣告。香港文匯報訊（記者 梁靜儀） 薛家燕與張智霖(Chilam)昨日到灣仔身份證換領中心，以身份證形象大使身份獲頒發感謝狀。家燕透露兒子乃首批換證人士，可偕同她一起換證很方便。她笑指完成演唱會瘦了，正好適合影身份證相。
Chilam透露稍後就會跟家燕姐合作拍一個廣告，而這個廣告是他睇完家燕姐個唱後接到的，真是好心有好報，要送份禮答謝家燕姐。不過家燕姐就婉拒了:「Chilam一向好錫我，當年拍劇扭傷腳，佢送我入院，登台又請我食忘不了魚，之前未申請到演唱會個期，佢都話一定會來，呢份情係真架，同Chilam合作好開心，佢個人好真，工作勤力又認真。」問到可想再合演母子？Chilam即表示好想。至於演情侶又如何？家燕姐笑說：「我都好恨，但要問靚靚（袁詠儀）先。」Chilam就笑指睇新聞家燕姐很多男友，對手太多了，不是那麼容易。至於演親熱戲？Chilam說：「愈講愈勁喎，係咪來真？親情那種攬攬就時常都有。」
說到靚靚為角色減了廿磅，Chilam笑說：「佢去拍戲又要同我拍真人騷，呢排好忙，我就減產，淨係同家燕姐一齊，(老婆去搵錢?)無錯喇。」對於靚靚現時的身材，Chilam認為還有進步空間，可以再弗些。問到他可會有壓力？Chilam反問：「唔通覺得我唔弗？做演唱會時有六嚿腹肌係好弗，睇返相覺得過瘦，𠵱家就啱啱好，我係純天然，無添加。」
農曆新年將至，Chilam透露會去日本北海道，更是首次一家人一起去滑雪，兒子好興奮，不過兒子近日愛玩online game。