■農夫面懵懵問星爺攞飯盒作報酬。香港文匯報訊（記者 李思穎）周星馳（星爺）的賀歲新作《新喜劇之王》將於大年初一上映，繼黃金組合「柳飄飄」的張栢芝後，星爺邀請了農夫為新戲的角色聲演。
向來轉數快又搞笑的農夫與星爺首次合作已經一拍即合，在配音工作中大放笑彈，當陸永和C君見到星爺親筆簽名的摺櫈，便嚷着要珍藏，又拿着扮海報中的人物甫士影相，更和星爺一同拿摺櫈合照留念！星爺亦大讚兩人「平靚正」。
農夫二人今次分別為兩名戲中角色配音，C君形容自己的角色是一名已過氣的演員，而陸永就描述：「我是一名導演，戲中C君所配的角色就要拍我套電影，詳情就要入戲院睇喇。」
星爺讚農夫平靚正
以往多次與鄭裕玲（Do姐）合作的農夫，今次他們要面對出名嚴厲的星爺，反而笑說：「講惡係無人類可以同Do姐媲美到，星爺都無鬧過我們，他對我們太仁慈善良。」C君：「星爺會循循善誘，會不斷問你意見，畀我哋自由發揮，所以會在他提問當中學到嘢。」陸永則讚歎：「星爺有時會親自示範點配，同一句都可以有好大分別，賺了好多經驗。」
相信不少人都認為農夫兩人是因為其喜劇細胞而被星爺看上，但他們卻搞笑自嘲：「其實係因為我哋收得夠平，又無嘢撈，夠晒得閒。」雖然收得平，但農夫一見到星爺就問：「有冇飯盒食？」星爺回覆：「無！」陸永即說：「無飯盒唔緊要㗎！我唔食飯都得！」三人你一言我一語後，星爺補充：「佢哋啲喜劇元素係不斷爆發，佢哋應該係平靚正。」似乎對兩人的表現都相當滿意。農夫亦乘機向星爺偷師，要他贈兩句如何成為「喜劇之王」，星爺瞬即發揮喜劇之王的本色，他回應：「好難㗎喎，用兩句就未必得，起碼要多些時間。」