■向海嵐日前帶愛犬Chloe去寵物店修毛剪甲。香港文匯報訊 向海嵐（Anne）日前帶她的「寶貝女」Chloe去寵物店修毛剪甲迎豬年。平時是「一家之主」的Chloe，去街街竟然變成「小狗依人」，不斷撲向Anne扭抱抱，搞到Anne忍不住笑牠：「你太好戲啦！」
原來Chloe只要看不見Anne，就即刻變得平靜乖巧，Anne笑道：「有次我擺低佢在寵物店沖涼，返轉頭時，姑娘讚佢好乖好合作，我就知佢平時黐身黐勢係扮晒嘢！」
Chloe已近10歲，兩個月大時，加入向家，說到和Chloe的難忘事，Anne坦言最難忘打地鋪！Anne說：「佢來嗰陣太細啦，跳唔到上床，我唯有同佢一齊瞓地下，都瞓咗個幾月㗎，直到佢可以跳上床為止。」
新年流流，Anne指不少人會買寵物當禮物，她呼籲要停一停諗一諗：「養寵物係一生一世的事，要做個負責任的主人呀！好似我咁，每次出trip，都會將佢交畀媽媽照顧，Chloe都好跟我媽媽的！」
向老太幫手照顧狗仔之餘，可有提出可以幫手照顧人仔？Anne聞言哈哈笑說：「無喎，佢哋唔會催㗎啦，慣晒！最近我比較得閒，多咗時間陪�哋，佢哋都不知幾開心，感情嘅嘢，隨緣啦！」