■林作找來陳偉成為自己剪髮。香港文匯報訊 林作經常以一頭亂髮示人，他趁過年前找來星級髮型師陳偉成（Avis）幫自己剪髮，並接受「香港開電視」節目主持馬梓軒訪問。Avis得悉林作不輕易被人觸碰頭髮改髮型，加上林作拋下一句：「冇咩要求，只要靚仔！」搞到Avis壓力倍增。
Avis想起「美國隊長」，笑言想將林作打造成「香港隊長」，林作聞言耍手擰頭說：「出到街嗌我『香港隊長』，實聽畀人打啦！」問他是否相信外形執得正，桃花好旺盛？林作得戚地說：「我已經好旺了喎，仲諗緊辦法點樣可以減少啲！當我一頭亂髮仲咁旺時，證明有啲嘢真係唔係淨睇外表！」
林作近來在網上幫人解答感情問題，他透露有個個案令他感到震驚。林作稱：「有個女仔自稱同名門望族的後代生咗個私生子，佢問我點處理現在的情況！呢件事真係好爆，好多人仲私訊問我係邊個同邊個，不過呢個名門望族的家族實在太大啦，大到我呢啲普通中產根本無辦法應付，都係唔講為妙！」
前女友找上門拜年
即將踏入豬年，林作回憶最難忘的農曆新年時又爆料說：「最難忘咪係前女友上嚟拜年呃利是囉！」今年她們還會上來嗎？林作大笑說：「我媽咪就好慷慨，我就唔慷慨啦，見到會走先，今年過年我都會離港避一避，寧願攞錢買機票！」