■影張相就當有「抗爭」，唔怪得俾網民揶揄係「行為藝術」啦！ fb截圖影張相打個卡又叫「抗爭」？真係要講返句︰精神啲，臨時演員都係演員！2016年農曆新年爆發「旺角暴亂」，3年過去，又有「港獨」分子想借件事刷存在感，點知就俾網民恥笑，話擺件垃圾喺度影兩張相就當「抗爭」咗，簡直係「行為藝術嘅典範」。係囉，與其做到咁頹，倒不如學吓「中箭」（「香港眾志」）隻河童（黃之鋒）咁，留喺屋企打機仲好啦！
每逢新年佳節，都會有熟食小販喺街頭賣吓嘢食，自己賺錢之餘，街坊又可以醫肚，過去都相安無事，直至2016年班「港獨」分子話要「魚蛋革命」，咁就搞到雞毛鴨血，唔少市民都記得班人嘅暴行，亦從來都唔認同佢哋嘅行為。
不過，「港獨」分子永遠好似活喺平行時空咁，仲想攞件事嚟抽水。「港獨」組織「香港獨立聯盟」喺新年前已經打晒開口牌話要「守護小販」，原來就係去旺角街頭黑麻麻兼唔起眼嘅角落頭位，擺個好似棄置垃圾咁嘅紙皮箱做「垃圾桶」，喺facebook度貼返張相話：「今晚，同樣位置，同樣活動。」
自己友譏「行為藝術」
乜咁樣叫「守護小販」？唔通個紙皮箱有平安符作用？fb專頁「廢除雙重國籍行動」就揶揄佢哋又要威又要戴頭盔：「依（𠵱）家『港獨派』啲行動瞼韟漯�喺度為影兩張相就得架（㗎）喇，人就留喺屋企玩××啦，又唔夠膽寫自己組織名稱喺件野（嘢）上面，好×驚畀（俾）警察票控隨地拋垃圾呀？」
專頁繼續抽擊班「獨」派：「已經有咁大個標準垃圾桶擺喺度，你擺個濕×細紙皮箱喺度做乜×？ 啲字又細又核×突。呢啲真係行為藝術嘅典範。」
班「港獨」分子「打卡抗爭」被恥笑，成日用「自決」嚟「暗獨」、開口埋口話人「港豬」嘅河童，之前幾日就親身示範咩叫「港豬」，就係留喺屋企打機。「MC Chan」就批評河童：「出去旺角吉（拮）魚蛋啦，白痴仔！」「Stone Lee」就話：「呃完錢有排洗（使）梗係玩咗先啦！」係要俾人狙擊幾句㗎啦，鬼叫你平時想食「港獨」條水咩。
扮慘谷銷量 「中箭」袋少咗
不過，錢冇人嫌多嘅，直到喺年宵開始一日前，河童就同成班「中箭」阿頭吹晒水話佢哋其中一款印住「港豬」嘅袋俾人「政治審查」，仲喺開檔日喺�哋自己檔口開記者會。睇佢哋一字排開笑口噬噬咁畀記者影相，都係想扮「被迫害」催谷銷量啫。
結果？今年佢哋賺咗48萬，少過舊年近四成，似乎唔少人都睇穿佢哋籠嘢。
之但係咁，比起社民連嘅24萬、公民黨嘅27萬，同民主黨嘅15萬多啲，「中箭」吹吓水做幾日就賺多咁多，睇怕河童同佢哋班豬隊友會繼續揞住半邊嘴笑，打多啲新game囉！ ■香港文匯報記者 何西