■黎諾懿講湊仔經，在旁的苟芸慧細心聆聽。香港文匯報訊（記者 梁靜儀）黎諾懿與苟芸慧（苟姑娘）昨早出席由香港世界宣明會主辦、清水灣鄉村俱樂部全力協辦的《親子歷奇180》，二人並擔任主禮嘉賓。
諾懿表示今次的活動既可做善事又是親子活動，問到他為何不攜同兒子「小春雞」一起出席？諾懿指兒子日前發了三日高燒，醫生也找不出原因，但不是流感，原本若第四日再發高燒準備入院，幸好開始退燒。他又笑說：「如果個仔今日嚟，應該會掃場，因為佢比較活躍冇時停，我又一定會分心，有時同朋友食飯，如果我帶住個仔，我會完全進入一個集中模式，聽唔到其他人同我講嘢，因為怕個仔整親。」有意生豬B的諾懿，被問到如果生多個豈不是更慘？他笑言可能會好些，因為到時可以推給太太湊，因現時個仔有整傷，他可能都回不到家，之前個仔學打筋斗撼到個頭，腫了少少，他都被老婆鬧。
苟姑娘聽到諾懿大談湊仔經，她直言好羨慕，而她都有個侄仔，所以都好知道小朋友兩至六歲會比較活躍，現階段她先玩別人的小朋友先，遲些自己有小朋友就帶他出席親子活動。諾懿又嚇她說：「當你結咗婚生咗仔之後，就冇其他活動，只有親子活動，你睇（胡）杏兒就知。」苟姑娘謂見到好姊妹都會帶小朋友出來，自己現在努力中，但不要給她壓力。