香港文匯報訊（記者 梁靜儀）洪永城（Tony）與譚凱琪（Zoie）昨日到荃灣出席《賽馬會酷鄰居齊節能計劃》比賽頒獎禮，並擔任主禮嘉賓，台上Zoie又分享節能心得。
兩人一起接受訪問，Tony表示佩服Zoie可以唔開冷氣睡覺，他亦未試過為開冷氣問題跟女友有爭拗。Zoie表示減少開冷氣睡後，身體反而好了，而地球大家都有份的，有感全球暖化，最近她都已開始自備食用餐具，減少使用塑膠：「我會帶玻璃盒裝食物、帶水壺，有時買外賣用發泡膠裝，個心都唔安樂，啲膠好難分解，所以現在盡量自備餐具。」Tony亦表示已開始使用環保筷子及飲管，希望大家都可以慢慢改變生活習慣。
Zoie又笑言還有另一個環保習慣，就是搭同事的順風車，既可環保又可聯誼，一舉兩得。Tony搞笑說：「最緊要司機靚女，（你仲可以坐其他靚女順風車？）為環保都冇辦法。」Zoie乘機笑問他：「如果坐你車，打畀你定打畀你女友？」Tony即時還擊：「咁我坐你車就打畀你男友。」
Tony又稱除了坐順風車，減少食牛肉都可以幫助減少碳排放，問到是否受女友梁諾妍影響？他笑着承認：「女友唔食羊肉同豬肉，食雞肉為主，身邊好多同事都係多食菜，少食肉，我唔想咁快去火星，地球咁靚，希望減慢啲至去火星，（地球有人好吸引到你？）地球都有好多嘢吸引到我。」