■狄龍和太太陶敏明出席活動。香港文匯報訊（記者 梁靜儀）狄龍昨日偕同太太陶敏明到銅鑼灣出席電影《我來自紐約2：當我們在一起》的慈善義演，而有份參演的譚俊彥因身在越南未能出席。
影片於兩年前拍竣，對於該片未能在港上映，問到可會感到可惜？狄龍說：「呢個行業有起伏，始終部戲喺馬來西亞拍，喺當地票房好收得，其他嘢好似香港發行咁，唔係演員管到嘅事，希望多啲有心人支持吓，家庭溫情片比較少人投資，好似《流浪地球》喺內地大受歡迎，但係香港就冇乜宣傳。」他又謂有時間都想同孫仔一齊睇電影，讓他們了解他們的工作。
提到由小朋友主演的內地偶像劇《小戲骨：包青天怒鍘陳世美》日前播映，曾有份演包青天的狄龍表示知道但未睇，他說：「但過早畀小朋友融入大人嘅世界，呢個世界冇絕對黑白，善惡兼容，但當時包青天殺咗好多人，好高壓。（會唔會畀孫仔拍戲？）唔諗咁多住，我七十幾歲，淨係想同太太多去玩享受人生，做人唔好苛求，孫仔健康成長就夠，叻唔叻係其次。」