■林文龍笑指今次為黃翠如頂了一劫。香港文匯報訊（記者 梁靜儀）林文龍、黃翠如、連詩雅、馬貫東、陳自瑤到九龍塘出席無綫劇集《致所有愛過的人》煞科晚宴，當晚筵開十多圍。
林文龍與翠如受訪時表示酒席由幾位主要演員及兩位監製夾份宴請台前幕後工作人員。文龍表示都有點不捨得 ，畢竟這三個月不易過，因劇本有先天不足，台前幕後花好多心力，是他入行以來拍得最攰的劇集，都想早日完成，但如今煞科又感到不捨。提到早前拍攝一場跑落閘口戲份時，他不慎被閘口撞到頭頂的事，問到他現時的傷勢情況？他說：「好得八八九九，希望冇後遺症，（老婆見到好心痛？）如果中到翠如仲大件事， 佢（個頭）會爆咗，頸骨都會有事，個閘係吊住威吔，我撞到個頭都Chok一Chok，我哋做開運動承受個力大啲。」
翠如猶有餘悸說：「幸好得到龍爺保護，呢場戲試拍咗幾次，突然個閘一跌落嚟大家都反應唔切呆咗！佢撞完瞓喺地下好耐冇郁到，之後起身坐埋一邊再冰敷，見到佢個頭腫晒，大家都好驚。」文龍續指以為會爆頭，因為受傷後摸到傷處腫了，但堅持拍完先去醫院檢查， 入院做了X光及腦掃描，睇完冇事即晚走得。
問翠如如何報答救命恩人？她笑指說一向跟着龍爺走，龍爺就稱翠如幫他留意新樓盤，又大爆翠如好留意新樓盤，鍾意便會買，合作過的對手中翠如最有錢。翠如亦爆他最近對一個新樓盤很有興趣，呎價更要十萬元。追問他們哪個想買樓？二人互相推說是對方。文龍笑指今次為翠如頂了一劫，她老公蕭正楠應好好報答他。
連詩雅煞科不捨爆喊
連詩雅（Shiga）因拍劇而與翠如及陳自瑤結誼，日前更結伴行山，前晚她表示再次見到劇組人員好開心，雖然之前曾客串演出《使徒行者2》，但今次《致》戲份較重。她笑謂入行九年來，未試過日日都對住同一班人對足三個半月。Shiga 更自爆煞科當日忍不住喊了出來：「我係唯一一個爆喊，原本拍最後一幕時都忍住唔喊，但阿Yo（陳自瑤）一攬我就喊咗出嚟，劇組工作人員都笑我，話冇見過一個人拍完情緒咁大波動，最唔捨得係翠如同阿Yo。」她又指拍畢後的一個星期感到好失落，連街都唔想出，又會每日短訊翠如：「煩住佢，好冇用，翠如話我傻妹，因為我冇姊妹，現在突然多咗個姐姐咁，咁啱我知呇悀蔬�喺香港。（去佢屋企度瞓？）其實我想㗎，如果佢唔介意。我約咗大家出嚟行山，我同佢講希望拍完都Keep住咁Friend。」
說到她拍攝期間經常萬歲請食早餐，她表示通常都會買給梳頭、化妝及服裝的工作人員，大約買十幾份。說到她貼錢打工？Shiga 說：「我哋講心唔講金， 係用咗好多錢萬歲，賺咗經驗，呢啲幾多錢都買唔到。」不過Shiga 就笑言下一套劇集不會再用人工去買早餐。