有些馬房搵到雷神或潘頓出馬並非係一個好現象，因為呢啲馬匹大多係有缺點，非要利用佢哋嘅騎功搭夠先至有條件贏到馬，當中徐雨石就係一位唔喜歡用莫雷拉或潘頓出擊嘅練馬師，根據今季嘅紀錄，莫雷拉季內只替徐雨石馬房客串過一次，就係策騎隻「萬里威揚」，結果無功而回。至於潘頓，季內曾經與徐雨石合作過五次，贏過一場，就係贏「萬里威揚」，所以呢個馬房用莫雷拉同潘頓嘅時候，大家就要格外小心。
今次夜賽，徐雨石馬房嘅五班馬「藍天兵馬」再請潘頓出馬，潘頓依然肯騎，畢竟呢隻馬上場喺妐韝U跑得第四名，由佢騎番也有多少信心可以一拚，不過，同晚之中，另一匹邊線坐騎「阿凡達」就交由雷神披甲。呢匹「阿凡達」今季跑咗四次谷草一千米，全部入前三名，但係就未贏過，莫雷拉今場冇蔡廄坐騎上陣先至可接受徐雨石嘅聘約，不過，大家只要細心想一想，假如策騎「萬里威揚」嘅潘頓，同一時間吼到「阿凡達」也係匹機會馬，在情在理呢位仁兄必定會向有關方面討埋「阿凡達」嘅策騎權，不過，喺呢場四班一千米短途賽事，潘頓卻選咗一匹初出馬「如真如假」，乃出自方嘉柏馬房，換句說話，呢匹「如真如假」嘅爭勝機會必喺「阿凡達」之上，所以大家不妨一捧。
再細心睇睇呢匹「如真如假」嘅備戰過程，賽前共試過三課大閘，兩課喺沙田直路閘，一課八百米得第二，另一位喺一千米得第八，最近一課試谷草一千米，展現高速一放而回取勝，幕後似乎已睇準隻馬跑谷草窄場嘅靈活性，所以初次報名就喺呢個路程列陣，顯出幕後係唔打無把握之仗，而呢隻馬更係跟以前嗰匹泥地王「準備就緒」同主，呢系人馬向以鬥志鮮明見稱，方嘉柏必然落足心機希望令幕後有驚喜。