近期收到消息，韋達分別到南非、英國及澳洲學藝，先去南非跟以前習騎時嘅師父郭克學一段時間，再到英國跟隨郗國思同司徒德爵士兩大名師學藝，據聞韋達並非齋學，有時都會幫呢兩位大師操馬，希望有所貢獻，在英國期間，也曾到過高多芬馬房參觀，不時出席拍賣會觀摩，因為下季當一廄之主，就要替馬主入貨。而復活節期間，佢會到澳洲再拜師學藝，呢次佢會到大衛希斯及華禮納嘅馬房學習。這邊廂韋達積極學藝，其實香港呢一邊，他亦經已搵到適當人選當副練，就係霍利時馬房嘅薛順強，現時薛順強經已休假，不過，佢亦要展開幫韋達組班嘅事宜，現時經已密鑼緊鼓進行，所以呢個假期對薛順強來講並唔係享受，只係更加努力嘅工作。講番霍利時呢一邊，冇咗薛順強嘅幫手，或多或少都會對馬房嘅運作有啲影響，但唔會即時出現問題，因為馬房大少事早已上軌道，正如夜賽，呢個馬房也順利爆出一匹「上浦猛將」，呢隻馬係薛順強以前嘅嫡系馬，多數一手一腳由佢操練，因為經常保持水準，所以遇適當時機就爆出，呢啲都係之前副練嘅戊牷A所以馬匹狀態喺薛順強嘅離去，短期內對霍廄嘅影響唔會太大。要尋寶尾，今次日賽霍廄旗下嘅「力王」，也係一早由副練操好嘅馬，不過，要等有利時機至得以發揮威力。最近呢隻馬終於可落到四班作賽，現時嘅評分對牠甚有利，跑田草千八米過往兩戰得一季，喜歡吼半冷門，呢隻馬值得捧場。