「美麗傳承」贏埋呢個冠軍一哩錦標後，就會喺六月份飛去日本跑安田紀念賽，根據馬會早兩日公布，現時報名安田紀念賽嘅港馬共有四駒，除「美麗傳承」外，仲有「跳出香港」、「星洲司令」及「川河尊駒」。呢個安田紀念賽，日本隻馬后「杏目」經已擺定擂台，等緊會一會香港馬王「美麗傳承」。其實，「杏目」最近贏千八米杜拜草地大賽後，本來想計劃出戰凱旋門大賽，但練馬師認為呢隻馬女唔適合短時間再征戰，可能會影響到體力，所以留番喺日本跑大賽，而呢個安田就係其中一個，所以「杏目」冇計劃來港，只一心等呢場大賽。
相反，日本馬知道呢隻女馬后喺安田紀念賽擺下擂台，部分馬匹認為遇着吤痔w冇運行，所以決心來香港闖一闖，「迪雅卓」就係其中之一，呢隻馬與「杏目」剛齊齊喺杜拜草地賽跑完，「杏目」得第一名，「迪雅卓」表現亦唔太差，取得一席第四名，兩隻馬如果喺安田碰頭，「迪雅卓」好大機會繼續俾「杏目」食住，所以幕後至決定安排呢隻馬嚟港跑女皇盃。
當然揀跑二千米女皇盃，可以避開撼「美麗傳承」，而今次所角逐嘅二千米，對「迪雅卓」來講也係有過經驗，因為今屆香港盃，隻馬以2.8倍大熱門輸俾「歡樂之光」，如今兩隻馬再度碰頭，「歡樂之光」好似冇之前咁銳，唯一要過只係隻「時時精綵」。講真以「迪雅卓」實力，今屆若非香港隊氣勢如虹，「歡樂之光」在蘇兆輝胯下放得出色，呢個香港盃真係好有機會由佢攞。今次「卓雅迪」再來挑戰，幕後唔用李慕華，改用國寶武豐，呢位仁兄對於香港賽道可以話相當熟悉，早在愛倫嘅時代，「黃金旅程」在港贏國際賽，鞍上人就係武豐，所以呢匹「迪雅卓」絕對係女皇盃一匹正路嘅爭勝分子。