【資料速遞】永多華冷門博得過

2019-04-26

主席短途獎十匹佳駟角逐，名氣最響一定係剛戰角逐史密文錦標交出旋風式後勁掄元嘅「聖雅勒徑」，目前呢隻馬喺澳洲合法外圍係2.25倍大熱門，反而另一匹澳洲代表「永多華」唔算太受重視，喺澳洲當地十二倍，其實好唔明點解呢匹六歲馬女會被人睇低，「聖雅勒徑」大熱絕對合理，但「永多華」亦應該係次熱。事關今年香港主隊冇乜邊隻特別突出，最近都各有勝負，所以「永多華」絕對有能力跑得好。另外，隻馬啱啱跑完杜拜阿喬斯短途錦標後第四就轉戰香港，但既然可以適應不同環境，其實唔需要擔心遠征對呢匹馬女構成影響。