■蘇姍(中)昨為演唱會綵排。香港文匯報訊（記者 梁靜儀）蘇姍昨日為本周五於旺角舉行的演唱會進行綵排，同場還有當晚有份演出的漢洋及她幾位徒弟。
蘇姍透露當晚會以歌為主，屆時還會有點唱環節，原先她選了60首歌，但樂隊總監擔心不夠時間唱，故將部分歌曲改成串燒歌， 但也大約有40首歌。問到可需要準備字幕機幫手記歌詞？她笑說：「字幕機係提點下一首歌同埋突發嘢，最重要係提我鳴謝名單，有次我好大頭蝦講漏人名，有朋友事後同我講點解唔多謝佢，原來有啲人會好介意，我冇心嘅， 之後都有立即多謝返對方。」 她坦言事後跟對方還是朋友， 但在對方面前說話會小心。
蘇姍又謂本來很多圈中朋友都想來支持，可惜臨近母親節，很多朋友都有工作：「家燕姐本來話會嚟，但佢有母親節騷要做。梁競徽、袁偉豪同紅姐（惠英紅）就撞正佢哋部劇《鐵探》大結局飯局，所以嚟唔到，袁偉豪話雖然自己嚟唔到，但有叫我留飛畀佢，因為佢媽咪係我粉絲、要嚟睇，仲有黃伊汶都會嚟。」