■許靖韻香港文匯報訊 早前以「踢館歌手」身份參加內地人氣歌唱比賽節目《歌手》而大獲好評的許靖韻（Angela），昨日推出全新國語歌《原來我們都一樣》。
Angela透露因為錄音時有感而發，所以變成現在這個《原來我們都一樣》歌名，「錄到最尾嘅take唱到呢一句，覺得真係好啱做歌名，所以就問『可唔可以將呢一句變做歌名？』大家都覺得幾有feel，於是就好順理成章做咗歌名。」歌曲以「循環愛情」為主題，並非單純的失戀情歌，愛情其實係一條循環公式，從開始到終結；從快樂到痛苦。Angela提到當中歌詞：「『愛到不愛所以痛到不痛 所以沒什麼好傷感』，感情開始嘅時候充滿希望，結束嘅時候係絕望，因為已經傷心到唔再痛。我覺得呢種愛情循環好多人都經歷過，所以我諗大家愛情經歷其實都係一樣。」
昨日亦是Angela的生日，問到生日怎樣慶祝，Angela指與家人食餐飯就已經覺得好滿足。雖然不會特別慶祝，但Angela會買生日禮物給自己，「生日嗰個月通常會買好多生日禮物畀自己，今年其中一份生日禮物就係買一支新的錄音咪，因為自己原本嗰支都用咗好幾年，現在睇緊邊支好。」