■林珊珊與西瓜母女檔拍短片。香港文匯報訊 林珊珊平時除了照顧鄭伊健、草蜢、王菀之和蘇麗珊等人的事業外，還有主持電視節目、客串電影等，百足一樣無時停。連囡囡李澄（西瓜）亦曾公開投訴媽咪檔期難約，有時更慘被放飛機。近日林珊珊與西瓜母女檔為首飾品牌母親節系列拍短片，西瓜成功「獨霸」媽咪一日好開心，而兩母女感情超好，現場笑聲不絕，台前幕後笑翻天。
其間有工作人員問珊珊最理想的母親節慶祝方法，她笑說：「盡量大排筵席，70、80圍少不免！」她又乘機向女兒暗示：「其實做媽咪最需要係愛心、關心......同埋現金！唔好再送啲icard畀我。」西瓜更正她：「嗰啲叫ecard，唔係icard呀！」全場爆笑。西瓜又爆料指媽咪最鍾意收禮物，說：「每逢節日我都會同媽咪食飯慶祝，但之後會問我：點解唔送花嘅？點解無禮物嘅？以前成日送嘅禮物唔啱吨艉禲C」於是珊珊事先張揚：「今年我想收手鏈和戒指。」西瓜鬆一口氣，說：「咁就好啦，真係估佢唔到，我成日都怕送錯。」