新一屆區議會選舉將於今年11月舉行，反對派政黨在《逃犯條例》修訂的問題上如此瞓身，這是其中一個重要原因。不少一向對傳統反對派看不順眼的激進派，在此事上亦對他們「刮目相看」。一直試圖從「傳統派」手中爭奪激進派選票的「香港眾志」，在是次事件中只能敲邊鼓，未能引起關注，「眾志」秘書長黃之鋒(河童)就「醋意大發」，在fb發帖揶揄傳統反對派前晚搞的集會不斷為「傳統派」議員打氣，「搞到好似選舉造勢大會，感覺的確唔太舒服。」
黃之鋒在前晚的集會後發帖稱，「去集會，不停聽到台上有議員，持續不斷呼籲台下既（嘅）群眾跟住嗌『（議員名）加油』。......嗌完我喺度諗，到底由幾時開始，我地（哋）集會會喺一個鐘內，要求台下既（嘅）人，不停叫台上既（嘅）人加油？」
他續說：「議會作為重要戰場，議員肯出力係非常值得鼓勵，......不過，集會頭一個鐘，每個嘉賓上台，都叫群眾連續係咁叫嗰個嘉賓加油，搞到好似選舉造勢大會，感覺的確唔太舒服。......應該係政治人物鼓勵人民，而唔係台上議員instruct台下集會群眾係咁嗌口號鼓勵返議員。」
民主黨的民主青年常務委員會委員黎敬瑋就發帖撐黃之鋒：「上一次集會已經有同感。」「教育實驗學社」傳媒聯絡人黃子悅亦發帖揶揄：「唔好再開fans meeting啦......」「佔中」牧師袁天佑之子袁健恩也寸道：「衰啲過比（畀）啲掌聲自己。起碼掌聲都比（畀）返群眾。」連「台獨」政黨「時代力量」的首任秘書長陳惠敏亦留言說「完全同意」。
網民譏黃之鋒只得「嘴炮」
「Cheng Pok Fung」留言道：「原來攞緊＄98000做議員做依（𠵱）d（啲）野（嘢）唔係應份，反而仲要市民鼓勵，另一方面你班市民又樂此不疲，真係吹X脹！」「Christian Chu」稱：「不嬲『泛民』都係（喺）度浪費時間，不過最慘係睇留言佢地（哋）仲有人支持，你吹咩。」
「Gus Lam」直言：「G phone（黃之鋒）太老實，事實真係選舉工程！」
不過，「Chun Au」就不滿黃之鋒的言論，質問道：「互相鼓勵有問題嗎？......打嘴炮好容易，但不要攪（搞）壞港人要團結行出嚟表達返引渡（移交）條例的堅持行動。」「Heidi Wong」亦話：「我永遠記得你講，靠晒你地年青(輕)人，比粗口仲難聽，依家佢地（哋）為咗抗『惡法』去衝，你又咁多意見？」
「Peter Yang」就揶揄：「點解你（黃之鋒）會唔舒服？好奇怪！你上台，群眾（包括我）都有為你打氣吖！如果你唔喜歡，下次唔該在台上提醒我們不要叫，OK？」
「Roger Lee」怒道：「有人發起完左（咗）集會留守，......屁都唔見你同眾志放一個動員叫人留守喎，有人搞集會就話人幫議員選舉造勢，搞留守『真抗爭』又唔見你叫人支持，你仲好意思鬧人做得唔夠？」
大概因為群情洶湧，「眾志」都要「做嘢」。「眾志」部分人昨日參與了反對派議員衝擊立法會的行動博曝光，但就冇人留意，「眾志」前常委周庭只得將自己視頻截圖上載fb，聲稱「都有」被保安大力箍頸云云。 ■香港文匯報記者 陳川